馬圈新聞│終於俾潘頓恨到騎金鎗！不過是金鎗

馬王「金鎗六十」點勁係人都知，不過騎師一哥潘頓就無法沾手，皆因此駒與何澤堯是絕配，加上馬主陳家樑、練馬師呂健威和華將一哥何澤堯，更組成為華人鐵三角，關係如此牢不可破，所以潘頓亦未曾試過想搶「金鎗六十」來騎。

不過今早(10月12日)潘頓終於搭上「金鎗」系馬，但當然不是「金鎗六十」，是同主的「金鎗武士」。此駒在潘頓手上出試一課1200米泥閘勝出而回，證明狀態好。

何澤堯因為騎「喜至寶」垂手只得平頭冠軍，令他被重罰停賽十日，停賽期由10月18日下星期三開始，雖然現時他已上訴，但亦要等排期審訊，而相信「金鎗武士」等不切何澤堯復出，所以換潘頓試定閘，稍後此馬出賽應會由潘頓出擊。

「金鎗武士」上季出道五戰得兩冠，最後一場更贏1400米，證明馬有質素，且看稍後牠復出上陣會否又再贏馬。