何澤堯遭隔山打牛墮地 清醒送院

今日係何澤堯暑假日本客串之行Day3，轉戰新潟競馬場，全日有5匹坐騎，第6場佢策騎Score出戰1200米泥地賽事，轉彎入直路時於包尾位置的外疊推進，但內側馬匹外閃，連消帶打撞向Score，令何澤堯坐騎失蹄，騎者應聲墮地，幸好尾隨並無馬匹，否則後果不堪設想。

至於何澤堯嘅傷勢，消息指騎者事後清醒，但意外中弄斷肋骨，今日餘下3匹坐騎需要換人，亦意味着今次日本之旅，甚至乎稍後遠赴英國出戰識價盃嘅行程亦要取消。