馬圈新聞│浪漫勇士唔止做香港馬王！隨時有機會做埋澳洲維省馬王

「浪漫勇士」上季威盡香港到全球，牠連勝五項國際一級賽，分別在香港、澳洲和日本都贏一級賽，真係勁到無倫，而牠在港亦榮登三料馬王，包括香港馬王、最佳中距離馬和最受歡迎馬匹，當然實至名歸。

不過「浪漫勇士」現時唔止做香港馬王，還有機會成為澳洲維省馬王，因為牠在上年10月攻下一級賽覺士盾，這是當地其中一場知名大賽，現時維省的冠軍人馬獎將在今周六(8月10日)舉行，現時馬王之選進入最後五強，包括有「浪漫勇士」、「不戰而勝」(Without A Fight)、「樂觀派」(Mr Brightside)、「珍蓮驕驥」(Pride Of Jenni)和「重心城」(Imperatriz)，且看「浪漫勇士」能否奪得澳洲維省馬王寶座，若然成功，就會是香港賽馬史上破天荒有香港賽駒能成為海外馬王。