澳洲幫紛紛重臨星洲打卡 今次輪到莫丹尼騎至煞科

新加坡賽馬公會宣布，澳洲騎師莫丹尼獲發一日客串牌照，於4月6日舉行嘅三歲馬短途賽賽馬日客串一天，稍後時間由5月1日起，再獲發五個月客串牌照，一直騎至10月5日壓軸一戰，見證星洲賽馬落幕。

莫丹尼下周末重臨先跑一日，將會受聘於練馬師摩西，夥拍旗下「格雷男孩」出戰1200米三級賽新加坡三歲馬短途賽，而騎者於去年7月客串期間，亦為此駒贏過G3金蹄鐵錦標。

新加坡賽馬在餘下半年營運階段，最後高潮接踵而來，大賽浪接浪之餘，騎師陣容鼎盛，高君濤、馬雅與普健士，在本周澳門賽馬停擺之後，獲准於星洲客串至季尾，如今再加上莫丹尼呢位客串常客，甚至史卓豐亦會响接住嘅兩個月，再次重臨夥拍「金猴」跑大賽。