康復期較預期長　潘頓放棄打吡暫定3.30復出

冠軍騎師潘頓自從於上個月9號策騎「銀亮奔騰」發生「落樓」意外，導致其左腳腳趾公骨裂，需要做手術治療後，一直缺陣至今，原來佢打算喺今個月23號嘅香港打吡大賽日復出，但佢一直都話未搵到坐騎。不過，根據最近消息，因為康復期較預計長，潘頓初步決定唔急於打吡復出，暫時希望押後一個禮拜先上陣，並於今個月30號夥拍短途王「嘉應高昇」出戰1200米二級賽短途錦標。

潘頓透露近期做咗更多檢查，同時獲得更多醫療建議及來自澳洲嘅專家，都認為佢左腳腳趾公嘅愈合情況唔算太理想，需要更多時間才能康復，佢亦提到佢覺得有能力如期於打吡大賽當日上陣，但考慮到當中嘅風險，甚至令左腳腳趾公再次骨裂，故此佢決定等多一個星期才復出。