全球最佳騎師榜 麥道朗領先60分高踞榜首！

麥道朗現時以98分成為全球最佳騎師榜榜首。

國際賽馬組織聯盟除咗會計算世界馬匹排名之外，亦會根據各位騎師喺國際賽馬組織聯盟所計算嘅百大一級賽表現，最高分一位就會成為全球最佳騎師。過去3年分別由莫雅同麥道朗取得，當中莫雅喺2023年更以156分高分贏取榮譽，叫得天下第一高手當然唔係冇原因。

2024年全球最佳騎師計算期就會由2023年12月1日至2024年11月30日，當中麥道朗今季經常喺香港大賽日客串一日，現時憑5冠3亞5季成績，以98分排喺全球最佳騎師榜榜首，當中麥道朗騎「浪漫勇士」，已先後贏得香港盃、香港金盃、女皇盃等殊榮。至於第2位嘅川田將雅，現時只以38分排第2，所以話麥道朗現時係高踞榜首！不過歐洲大賽期以及澳洲春季嘉年華仍未開始，所以麥道朗能否保持領先優勢都仲係好難講呀。

麥道朗憑「浪漫勇士」已先後贏香港盃、香港金盃、女皇盃。