今晚奉旨曠課 周同學明早試閘預埋佢

周俊樂因為身體不適，昨日宣布退出競賽，今晚5匹坐騎宣告易配，雖然今晚賽事無佢份，响明日舉行嘅泥地大閘，容天鵬旗下「時尚歡欣」，已經卜定佢响第一組試1200米泥地大閘。

响年初三賀歲賽事，周俊樂因身體不適，餘下最後兩場賽事未能繼續，需要換人出戰，原本賽後宣布毋礙，可於年初四(星期二)如常入紙排位，而騎師亦有於當天試跑露面，主力為容廐馬匹操練，但最終症狀未有令人滿意的改善，結果被今晚賽事亦未能上陣。

明早又係星期日賽事嘅最後試跑，兼且有4組泥地試閘，既然鵬哥已經安排愛將試閘，健康情況應該無乜大礙，呢個星期日，容廐將會有5駒，交畀周同學出擊，當中包括「占士德」同埋泥地專家「晶晶日上」，睇嚟周俊樂都唔希望再有閃失，盡快响明早重新投入操練。