【分秒在握】返谷草強項搏殺話你知

黎昭昇千辛萬苦下，終於在剛周日憑新馬賽的「超力量」重開勝門，打破12期未勝的悶局，既然缺口已打開，無理由退藏於密，試準而來的「陸知」重返谷中一哩強項，甚有機會重開勝門。

黎昭昇上季接手「陸知」，能夠贏出4W，絕對係馬房招牌作，不過上季尾一口氣連贏3仗後，評分去到三班頂，加上馬匹耗力已多，連番敗北回氣亦屬很正常。此駒今季的部署擺明以戰養戰，谷草1200米跑吓，田草1400米又跑吓，次次冷門已擺明無心攻堅，不過經過大半季時間回氣，「陸知」的表現已逐漸重回正軌，大前仗出爭田草1200米係42倍大冷門，但居然可以追回第5只輸個多馬位，走勢已令人眼前一亮。

緊接兩仗，「陸知」重返四班出爭田草1400米分別得殿軍及亞軍，看來回氣工作已完成，而馬匹作戰狀態已回起。來到今次，「陸知」終於回師最強谷中一哩，而且繼續配最合拍的何澤堯，人馬上仗重新攜手已即時入Q，今次捲土重來，大有機會在谷草重開勝門。

■長風

第8場　1陸知　 5得意佳作

　　　 6獎星　10美麗歡聲