【分秒在握】贏到佢就真係心靈愉快喇！

上星期夜賽，由於兩場三班1200米及一場1650米出馬不滿額，因此以四班1200米作壓軸尾場；起初以為偶一為之，誰不知過了一星期，情況依舊，今次又係兩場三班1200米及一場1650米出馬不滿額，因此再一次以四班1200米作尾場。

今次尾場形勢相當平均，雖然有新勝的「開心高球」，以及新近上名的「風中勁松」及「欣樂人生」上陣，但感覺都不是太穩健，亂局博冷，不如一敲「健康心靈」。此駒今季跑過6次悉數為谷草1200米，但除了季初一役排3檔外，近4仗最好都已經排7檔，因此形勢上可以話一再不就。

不過，雖然「健康心靈」一再處劣勢，但此駒表現亦不差，早前一連兩仗跑第4名輸不遠，而上仗排9檔留後之下，最終追回第7名次不甚起眼，但其實亦不過輸兩個多馬位而已。今次「健康心靈」換上董明朗移回2檔，形勢與早幾仗截然不同，上季同程試過走位4 4 3上名，相信今次亦不會留得太後，以其慣常交出的後勁，直路鬥衝應該不輸蝕。